精英師傅

【功師傅教路】一個人原來都可以驗窗

功師傅縱橫裝修行業超過二十年,驗過嘅鋁窗多不勝數,好多朋友都問我,其實驗窗會唔會太複雜?一個人有冇可能搞得掂?其實驗窗都有簡易版,今日就分享一個驗窗懶人包,有興趣可以試試。

特此說明,以下方法係未接到驗窗強制令之前適用。

Step 1 檢查扇窗玻璃

重點係玻璃位置,用手觸碰玻璃,感受一下有冇明顯破裂或鬆脫,如果手觸碰不到的地方借用工具,如果有破裂或者鬆脫就一定要更換。

Step 2 檢查玻璃壓條

用食指輕輕掃過固定玻璃嘅壓條位置,睇下有冇鬆脫或者缺漏,同樣地如果有都要即刻更換。

Step 3 檢查窗鉸螺絲/拉釘

呢個時候記得用驗窗神鏡去睇窗鉸嘅螺絲或者拉釘位,睇睇有冇鬆脫或者出銹蝕嘅現象。

如果發現螺絲或拉釘冇對齊同有鬆脫情況,有或者已經被銹蝕咗,盡快更換同維修。

Step 4 檢查窗鎖

反復數次開關窗鎖,測試一下係咪冇故障現象,如果冇辦法鎖緊個窗,即刻要換。

Step 5 檢查窗框

先肉眼判斷有冇窗框不正嘅情況,如果有變形或唔穩,就證明係時候要換窗。

當然以上呢d情況都只係適用於一般情況下嘅鋁窗,特殊情況除外。如果有遇到棘手嘅問題搞唔掂,或者收到強制驗窗令,一定要搵合資格人士幫手,唔好逞強,因為鋁窗安全問題可大可小。

精英師傅團隊有豐富嘅驗窗同維修更換經驗,一個電話約好時間,師傅就可以上門處理各種鋁窗工程問題,包冇手尾!

ChrisWing
Author: ChrisWing

Leave a Comment

你的電郵地址並不會被公開。 必要欄位標記為 *

WhatsApp chat