精英師傅

精英師傅工程 全港信賴! Whatsapp/電話 6628 4865 為你即時報價!

【功師傅教路】慳電有妙招 謹慎揀家電

最近呢段時間,相信大家都係留喺屋企嘅時間比較多,自然用電都會多咗,艱難時勢下能源節約梗係唔少得,咁大家又知唔知某D常見嘅家用電器點樣可以慳電呢?今日功師傅就列舉部分俾大家參考下。

洗衣機

前置式洗衣機

每個家庭必不可少嘅洗衣機,其實喺日常用水同用電量都好高嘅。一般洗衣機分前置式(大眼仔)及頂揭葉輪式(波輪式),而根據之前消委會嘅數據報告,兩種洗衣機嘅慳電程度最高可以相差80%。

測試結果表明,葉輪式樣本較前置式樣本慳電,平均慳電約8成,因為冇加熱設計,脫水時滾筒轉速亦較慢。而前置式樣本嘅用電量參差不齊,最多可相差約7成﹗慳水程度方面,前置式樣本比葉輪式樣本平均慳水約6成,而同類別樣本之間慳水程度差別可達5成。

常見疑問1:有冇必要用熱水洗衫?

兩款洗衣機其中一個最明顯嘅分別係,前置式洗衣機可以用熱水或室溫水洗衫,而頂揭葉輪式就通常冇加熱功能。好多商家會將用熱水洗可以消毒殺菌作為賣點,如果用室溫水對呵護衣服纖維、避免褪色同縮水係好有幫助嘅。

但用熱水洗衫並唔係每個人都會覺得有必要,如果你咁諗,揀洗衣機嘅時候揀翻頂揭式就可以。冇加熱功能嘅頂揭式比一般前置式慳電約8成,而且佢脫水轉速較低,洗一次衫需要時間會唔洗咁耐,慳埋時間。

常見疑問2:洗衣機點樣可以根據各種唔同情況洗衫?

而家嘅洗衣機其實功能都唔止單純洗衫咁簡單,大家可以根據唔同程度以及種類嘅功能,物盡其用,研究邊款功能最適合自己嘅唔同情況。譬如按衫嘅種類及多少,用翻洗衣機自帶嘅洗衣程序清洗,更可考慮選用洗衣機常見嘅「節能」程序,達到慳電嘅效果。

LED電燈膽

LED電燈膽,每個家庭基本都會用,而且數量都唔會少,大眾認知都認為LED電燈膽比傳統嘅電燈膽相對慳電。而其實LED電燈膽當中慳電程度都有分高低,光線黯淡未必慳電,光猛都未必一定係曬電!

小知識1: 慳電LED電燈膽要睇「光效」

「光效」指每度電可以產生幾多光,光效越高就等於越慳電。黯淡嘅燈膽(光度低)和光猛燈膽(光度高)理論上可以有同等「光效」,關鍵在於它們要消耗幾多電力先可以製造出同等嘅光度。

揀電燈膽嘅時候時可留意盒上的流明值(LM),流明數值愈高,代表燈膽愈光。當兩者輸出光度一致,可揀功率較低嘅一款,亦即係「光效」高,相對就會較為慳電。

小知識2:揀LED電燈膽將燈膽壽命列入考慮因素。

當LED電燈膽輸出光度跌至70%時,壽命一般會被視作期滿。市面上燈泡聲稱壽命可以從15000小時到25000小時不等,揀壽命愈長嘅燈泡更為耐用,而且環保。

今日就先介紹呢兩樣我哋屋企入面較為常用嘅電器,之後我哋仲會介紹其他,記得留意翻功師傅嘅專欄啦。如果大家有任何關於家電或者家居裝修等問題,都可以通過WhatsApp 6628 4865 聯絡我哋精英師傅

ChrisWing
Author: ChrisWing

Leave a Comment

你的電郵地址並不會被公開。 必要欄位標記為 *