精英師傅

【師傅駕到】應該用地磚定地板?邊樣好?

屋企適合用地磚定地板?兩者有咩分別?其實地磚地板佔全屋面積吾少,而且角色重要,決定左一間屋嘅耐用性,同時會影響居住環境嘅質素、其他傢俬嘅保養、美觀等等。所以話,一間屋之計,絕對喺在於塊「地」。

咁點樣先知屋企適合用「地磚」定「地板」?

精英師傅教路,其實兩者分別都幾大,要用邊一種,就應該以客人嘅居住習慣同裝修要求去決定。

地磚

地磚絕對喺耐磨首選,瓷磚容易清潔,落綠水、稀釋漂白水洗地都得,又吾怕蛀蟲、潮濕,不過保溫性低啲,喺冬天嘅氣份,間屋就相對寒冷,地磚容易凍冰冰,行起上嚟冇咁舒服,情況誇張上嚟可能會有爆裂。

地磚有好多顏色選擇,花款夠多夠新穎,如果追求設計感豐富,地磚就喺不二之選。

木地板

木地板行上嚟,舒適感吾錯,季節嘅溫差冇咁大,不過如果屋企住近海皮,就容易因為潮濕,而出現地板「撬起」嘅情況。保養不善,可能會有蛀蟲,影響屋企居住質素。用實木地板的話,耐用度就高好多,亦冇冷縮熱漲而出現爆裂嘅問題。

喺咁講姐,其實如果有持續做簡單嘅保養,木地板嘅問題吾大。設計嚟講,木地板有一種自然嘅感覺,好和諧,家居嘅舒適感好強。

地磚/地板裝修保養小知識

鋪磚:選擇左地磚,師傅會有鋪磚嘅程序,一般會有泥水師傅施工,以乾濕沙鋪磚,再為瓷磚預留膨漲及收縮空間,就可以減少因為溫差而有爆裂或者瓷磚鬆脫嘅情況。不過有條件,瓷磚厚度至少要有9mm,第二就喺吾放得重型傢俬喺上面。

鋪木地板:過程比較輕鬆,師傅會起左舊嘅地板,用英泥填平,鋪一層珍珠棉,由角位鋪起,一木扣一木咁鋪,就可以。

木紋磚代替木地板?

用靚木地板一定會貴,但差嘅就好難做好防潮。如果你對木地板嘅性價比有保留,但又的確鍾意木地板嘅感覺,可以揀用木紋磚。木紋磚有木嘅花紋外觀,但耐用度喺瓷磚級數,性價比高。

精英師傅會建議客人以自己喜好同居住習慣,決定用地磚定喺木地板,如果都冇咩頭緒,精英師傅可以比專業意見,幫你度身訂做。一手包辦哂!

Leave a Comment

你的電郵地址並不會被公開。 必要欄位標記為 *

WhatsApp chat