精英師傅

【kaykay有問題 】冷氣滴水點算好?

最近真係比較煩,屋企嘅窗口式冷氣機有滴水問題,樓下住戶向看更投訴,呢兩晚仲因為呢件事瞓唔安樂,熊貓眼都出埋,敷mask都救唔翻。點算好呢?

為咗解決問題,我決定請教一下相熟嘅師傅。佢就係之前幫我洗過冷氣嘅黃師傅,當我見到佢上門只係帶住一個簡便嘅工具箱仲有一條鐵線嘅時候,我充滿疑問。

未反應過嚟黃師傅就直奔冷氣機位置,佢好快鎖定出事地點係冷氣嘅去水管,事先準備嘅粗鐵線就係今日嘅主角,同時佢叫我準備一個細嘅接水盤。

黃師傅從佢工具箱拎出一個噴水壺,話陣間要用嚟清洗水管嘅。

第一步,安全起見,當然係先斷開電源。

第二步,拆除水管,見黃師傅都勁用力先可以拆佢落嚟,應該都幾緊。佢仲話拆嘅時候要注意唔好整鬆水管另一頭。

拆完之後

第三步,將鐵線插入出水窿,將入面嘅邋遢嘢通出,記得要放個盆接住,因為污水都會同時流出,等佢流落個盆度。

第四步,重複一兩次之後,就可以將裝咗水嘅噴水壺沿去水管嘅流出方向噴水,將水道入面嘅所有污物徹底衝落個盆度。

第五步,兩分鐘左右就可以裝翻去水管。呢個步驟記得要擰多幾次,擰緊d以防鬆脫,如果唔係到時唔係滴水,係灑水喇。

第六步,再用噴水壺噴多次,確保係冇水流出嘅。

好嘢!大功告成!可以關窗涼冷氣!

師傅向我show咗頭先嘅“戰利品”,真係嚇我一驚,明明上兩個禮拜先洗完冷氣,都咁邋遢,睇嚟真係要注重冷氣保養先得。

經過呢次冷氣滴水小風波,我明白到平時注重電器保養嘅重要程度,可以自己郁手解決固然好,但平時翻工都咁忙,再加上自己咁弱質纖纖,都係要搵翻d有經驗又信得過嘅師傅幫手,黃師傅同佢哋嘅團隊有超過廿年嘅經驗,之後有咩問題認準佢哋“精英師傅”,咁就輕鬆得多喇。

ChrisWing
Author: ChrisWing

Leave a Comment

你的電郵地址並不會被公開。 必要欄位標記為 *

WhatsApp chat