精英師傅

精英師傅工程 全港信賴! Whatsapp/電話 6628 4865 為你即時報價!

【Kaykay有问题】雜物太多 屋企唔夠空間 揀唔揀迷你倉?

香港地寸土尺金,屋企空間有限,太多嘢唔夠地方放,就算定期斷捨離都冇辦法,身邊好多朋友都會選擇租個迷你倉放平時唔多用嘅嘢,但係其實有冇咁嘅必要呢?目前各式迷你倉開到成行成市,點樣揀適合嘅呢?揀唔好可能“賠了夫人又折兵”。慎防中伏,一定要了解清楚迷你倉嘅現狀。

唔好以為揀迷你倉只要價錢夠平就得,其實倉庫嘅配套服務、環境、保安系統、同防火設備都好緊要。

首先,當你要用到迷你倉嘅時候,梗係得要涉及到搬運。如果選擇嘅公司本身有配套埋車隊同搬運團隊,可以幫你運送加租賃一站式服務,當然係一舉兩得,而且省卻唔少麻煩。否則仲要自行Call 車,自己落手落腳去搬。

迷你倉嘅環境亦同等好緊要。假設你要儲存嘅嘢係紙質文件例如證書同書籍等,又或者衣物,就要搵通風良好嘅倉,如果濕度太大就好容易發霉發黃,分分鐘得不償失。所以倉庫係咪有冷氣設備、溫度濕度控制等設備要納入選擇因素。

為確保財物安全,要先對迷你倉嘅保安系統有嘅初步了解,大部分公司都會設有24小時閉路電視同監控系統。保安系統嚴密係一方面,但好多倉庫為咗方便顧客存取物品而提供24小時自由出入服務,因為出入人口多咗,增加失竊機會。建議可以選擇一D只限職員進出嘅迷你倉,咁就會相對安全好多。

迷你倉發生火警事故嘅case令大家對揀迷你倉嘅時候多加一層提醒,消防設備的確不容忽視,唔少迷你倉都係開喺舊式工廈入面,冇安裝自動灑水系統或者消防喉轆等防火設備,而且大部分地方嘅通道狹窄,間隔又密集,萬一發生火災危險程度會高好多。所以揀迷你倉前要首選防火設備齊全而且符合消防條例嘅,安全先會令人安心。

以上都係Kaykay網上搜集資料同請教有經驗嘅朋友總結得出嘅,share俾大家之餘,都希望大家揀迷你倉之前要諗清楚係咪真係需要租,其實如果純粹認為屋企嘅空間唔夠大,可能係未真正將空間盡用,可以搵精英師傅幫下眼睇睇點樣可以將室內空間/房間改造,一勞永逸,幫您扭轉乾坤。

ChrisWing
Author: ChrisWing

Leave a Comment

你的電郵地址並不會被公開。 必要欄位標記為 *