精英師傅

精英師傅工程 全港信賴! Whatsapp/電話 6628 4865 為你即時報價!

主頁 > 家居裝修>冷氣小知識
冷氣小知識(清洗篇)

好多人認為清洗冷氣,只需要清洗過濾網就可以,其實呢個認知係有偏差嘅,雖然過濾網係好容易拆出嚟洗,大家都可以隨時拆洗。

但係,大家又知唔知冷氣機裏面積塵同樣好多,如果平時只係拆洗過濾網,而忽略蒸發器嘅灰塵,係達唔到徹底清洗冷氣機嘅要求,除此之外,冷氣外機都定期需要清理,否則風口阻塞,會造成冷氣機故障,影響正常運作。

如果冷氣機嘅空氣過濾網積滿灰塵,會影響空氣循環,降低冷氣製冷功能。為咗慳電至少每隔兩個星期清洗一次過濾網,記得係用清水或者中性清潔劑清洗,同時用吸塵器輕輕吸出裡面嘅灰塵,洗清後晾乾先再裝翻,切勿太陽底下曝曬或者烘烤。

記得唔好用40℃以上嘅熱水、揮發性汽油、香蕉水或稀釋劑等清洗冷氣機。

屋企冷氣機太耐未徹底清洗?想得到專業嘅冷氣清洗服務? 立即 WhatsApp或者打呢個number:6628 4865

冷氣小知識(保養篇)

冷氣機開機前,先等佢送風3到5分鐘。

原有隔塵網上面自行貼多一層過濾網,然後定期更換。

冬天前,開冷氣機大約兩個鐘吹風,唔開製冷,徹底除去機內嘅濕氣。

就算冬天期間,間唔中開下冷氣機,keep住運轉,對維持機件性能有幫助

無論窗口式冷氣機定分體式冷氣機,外露於室外嘅機身都有需要搵專業師傅定期保養及清洗

根據消委會出嘅報告,冷氣機設定喺最高風速檔,可以發揮冷氣機嘅最佳性能,達至最慳電嘅效果。如果到夜晚要休息嘅時候,或高風速有噪音產生,再較低風速檔。

專家指出,冷氣機其中一個運作原理係靠風扇吹風以及將熱氣轉入機內,當調節成高風速檔,換風次數同速度就會上升,由於換風頻率加快,降溫效果更明顯;特別係窗口式冷氣機,對內同對外嘅風扇其實由同一個摩打驅動,調低對內風扇轉速同時會減低冷氣機散熱能力,令冷氣機過熱受損。

應該唔少人聽過冷氣機用得耐要換雪種,其實雪種點解有問題?專家強調,其實冇「換雪種」呢個講法,一部冷氣機喺正常情況下係唔會自己漏雪種,亦毋須添加雪種。

「窗口式冷氣機所有接駁位基本上會喺機內循環。」

如果覺得自己保養太麻煩,專業師傅可以上門幫您檢查

任何疑難雜症都難唔倒我哋精英師傅,立即 WhatsApp或者打呢個number:6628 4865

冷氣冷知識

翻開office工嘅朋友,難免都會遇過中央冷氣忽冷忽熱嘅問題,明明同一個辦公室,有D地方凍過北極,相反有D位置仲熱過非洲。

聰明嘅網友發現,只需要用幾張 A4 紙和平時用嚟夾文件嘅金屬反尾夾,再加個金屬盤就可以解決呢個問題。將兩個反尾夾夾住金屬盤,再喺金屬盤上加插上支架,支架上貼A4 紙。呢個DIY裝置將冷氣風平均向唔同方向吹,低成本就做到自轉風扇,輕鬆解決冷氣吹風唔平均嘅問題。

為預防肺炎傳播,通常屋企開大門窗,保持室內空氣流通。不過矛盾嘅係開冷氣又唔可以開門窗。歎冷氣嘅同時,可能有一點大家都冇諗到,市面上大部分冷氣都係冇換氣功能嘅。唔少人以為室外機可以將空氣由室內機抽出去,其實呢個係常見誤區。

一般冷氣機會將一種名叫「冷媒」嘅氣體於室內機同室外機之間循環,以調整室內空氣溫度。為營造冷房狀態,冷氣機內嘅熱交換氣和冷媒會除去室內空氣嘅熱能,將「冷氣」送翻室內。成個過程室內外嘅空氣並未得到循環,好似二氧化碳、一氧化碳、花粉甚至病毒細菌都有機會殘留室內。