主頁 > 家居裝修>廁浴裝修話你知
/ 廁所及浴室防水 /
首先，廁所裝修和浴室裝潢中，防水係最重要的，香港最常見的嘅三大防水用料有英泥寶、Sika107以及黑膠，通常用英泥寶足夠做好一個企缸防水的，如果想更安心、更耐用，可以加一層Sika107或者黑膠嘅防水膜。如果係浴缸轉企缸嘅話，就要注意拆走浴缸嘅時候，有冇影響到地磚或者牆身磚，咁係有可能會破壞原有防水層嘅。同時，喺進行其他水電施工嘅時候，亦要注意唔好損壞原有的防水層。
講開浴缸，大家又知唔知屋企要有咩條件先可以裝浴缸呢？安裝浴缸首要考慮是空間大細的問題，常規浴缸長度大概在5—6呎之間。而坐泡式既浴缸長度則在3—4呎之間。而這兩款浴缸的寬度大概在2呎半之間。再加上馬桶座廁以及必要的浴室櫃等等，浴室至少需要45平方英呎的大小才適合安裝。另外，水龍頭位置應高於浴缸上平面大概6吋，才能方便使用。
/ 需唔需要假天花？/
A：Yes！需要！
廁所比較潮濕，濕氣重會影響油漆壽命，導致容易變色或者剝落。假天花就可以避免這個問題，同時可以將喉管以及電線隱藏好，遮蔽住不美觀的位置，日後維修或者清潔亦比較簡單。
/ 座廁點樣揀？/
之後就係廁所裝潢嘅另一個重點，座廁啦。我哋揀座廁嘅時候除咗關注價錢、美觀，仲要留意下沖水嘅方式。香港宜家嘅座廁通常有兩種，直沖式(Washdown)同雙重漩渦(Double Vortex)，就等精英師傅話俾你聽佢哋有乜分別。
一、直沖式Washdown
直沖式(Washdown)座廁係香港市面最常見嘅座廁類型，佢嘅沖水方式係由水箱通過廁所邊框排水孔，將水沖入廁盤入面，直接將廢物推走，哩種座廁普遍有水聲大同彈水嘅缺點，如果設計不良仲可能會將廢物殘留喺廁盤入面，所以要買直沖式座廁嘅話，選有牌子嘅最好。
二、雙重漩渦Double Vortex
雙重漩渦(Double Vortex)係一種比較新嘅沖水技術，好啱一般家庭使用，喺廁盤入面會有兩個射水孔，沖水時會產生兩道強力渦流，一次過推走污物兼洗乾淨成個座廁，可以用最少水量提供最強力沖水功能，同時Double Vortex係用無邊框排水孔，用耐咗都唔會有常見黃色水垢積聚。比起一般直沖式座廁，哩款嘅沖水量節省三分一，甚至超過一半，而且非常乾淨，係精英師傅嘅首選推薦 。
/ 咩嘢係高咀、低咀、自由咀？ /
最後大家仲要留意是高咀低咀還是自由咀。這裡指的是座廁出水喉和大廈去水喉的高度。「高咀」的意思是座廁去水位的中位離地6吋左右，市面上大多數的樓宇設計都是高咀。「低咀」就是指去水位離地4吋左右，千萬不要買低咀座廁去裝配高去水位的大喉，這樣非常容易導致淤塞。最後所謂「自由咀」即是座廁去水位向內縮入，因此會有足夠空間讓師傅駁長去水喉來接駁大廈的大喉，所以不論是高去水低去水，自由咀都能應付自如。
