主頁 > 清拆還原>僭建問題
/ 僭建嘅前因後果 /
“凡未經屋宇署事先批准或沒有根據小型工程監管制度的簡化程序而進行的樓宇加建或改動，均屬僭建物。”
僭建嘅主要成因係香港地勢山多平地少，人口密度又好高，所以唔少香港人嘅居住空間都非常狹窄，導致有部份住宅業主，為咗增加樓宇面積，擁有更舒適嘅生活空間，冒險進行僭建工程。僭建物除咗會改變建築結構同危害周邊行人安全，亦會影響到樓宇買賣。如果俾屋宇署通知要清拆僭建物，咁土地註冊處亦會登記上相關問題，俗稱「釘契」。物業被「釘契」，並唔代表唔可以買賣。以物業有僭建而被「釘契」嚟講，係官方於樓契註明，“物業業主有責任完成某些清拆工程；地產代理及處理有關交易的律師，亦有責任提醒買家，單位已被釘契，如購買單位，將「繼承」有關清拆工程的責任。”事實上，一個被釘契嘅物業仍然可以進行買賣，只係好多買家為咗避免麻煩，可能唔會考慮被釘契嘅物業，無形中令業主成功出售單位嘅機會降低。
喺按揭嘅角度嚟講，一個單位有僭建物或者清拆令，亦唔代表一定唔可獲批按揭；唔同銀行對有僭建物/清拆令嘅單位，處理情況有唔同。部分銀行對於單棟樓、村屋等物業，可能會喺批出按揭前視察單位，就算物業冇清拆令，銀行都可能會發現到明顯嘅僭建物。
/ 常見僭建物 /
/ 規避僭建 買樓三招 /
1、查證維修令
物業違反《建築物條例》等規例嘅時候，政府會向業主發出補救或拆卸令，有關紀錄亦會登記喺土地註冊處中。
方法︰向土地註冊處查冊求證。
2、對比物業圖則
物業即使有僭建物，政府部門亦未必會發現以及發出拆卸令，買家需要承擔日後拆卸有關僭建物嘅風險。
方法︰向屋宇署取得物業圖則，如果對照後發現屋內
3、列明條約
如果購買過程中發現心儀嘅物業已經被註上相關命令，即係「釘契」，買家就有可能要喺物業成交之後承擔清拆僭建等費用及履行相關命令。 方法︰購入物業前，與賣方商討清拆還原等責任問題，並列明於買賣合約內
/ 點解會“被僭建”？ /
大部份人通常住嘅係有業主立案法團嘅住宅大廈。有一啲大廈公契會列明不得對單位進行改動，或者只可以喺獲得大廈管理人嘅同意下方可進行改動。如果單位改動牽涉到大廈嘅共用部分，例如主力牆，咁單位業主肯定無權擅自改動。此外，大廈公契一般亦要求業主遵守大廈相關嘅政府租契同相關法律。按照呢啲為法律基礎，立案法團亦可以按大廈公契或其他成文法，提告有出現違例或違契建築工程嘅單位業主。
由於大部分政府租契嘅條款都有要求業主喺使用物業時遵守所有有關法律，而政府亦可以業主違反政府租契嘅情況下收回業權，因此，違規建築物嘅存在有機會影響業權嘅法律效力。
所以，大家喺裝修住宅嘅時候一定要做足功課，而且要搵一間專業、負責任嘅裝修公司，就可以避免遇到上述嘅麻煩啦，至於要搵邊一間？咁就梗係搵我哋精英師傅啦！
