精英師傅

精英師傅工程 全港信賴! Whatsapp/電話 6628 4865 為你即時報價!

【功師傅教你】點樣揀燈飾

大家都知道燈光係日常生活中必不可少嘅重要元素,點樣挑選合適嘅燈飾,我哋往往會忽略,其實燈飾種類繁多,亦都有各自嘅優點同缺點,客廳應該揀點樣嘅燈呢?唔同嘅燈飾搭配又會有咩效果呢?功師傅今日就帶大家睇下市面幾種常見嘅燈飾。

吊燈

吊燈,非常常見嘅一種燈具。燈由天花板懸吊落嚟,在較高嘅空間中使用就可以得到足夠嘅照度。適用挑高樓層空間,燈最低點應離地至少2.1米以上,以降低空間壓迫感。吊燈嘅材質有好多種,金屬、玻璃、雲石等等。

吊燈嘅優點:燈罩可造型多變,令空間有畫龍點睛效果

吊燈嘅缺點:對空間高度要求高,如果空間太低要裝吊燈會令環境有令人壓抑嘅感覺

提提大家,選購吊燈要特別注意,客廳吊燈最好唔超過客廳空間的十分之一,而飯檯上嘅吊燈建議唔好大過餐檯短邊嘅三分之二。

吸頂燈

即係吸嘴燈,上面位置比較扁平,燈位直接裝喺天花板頂,下面就用燈罩蓋住,特別適合香港樓底普遍唔高嘅單位,約2.4 – 2.8米之間,吸頂燈嘅扁平形狀非常慳位,

吸頂燈嘅優點:耗電比較少,投光性能好,使用壽命長,燈泡唔外露、簡單大方,安裝簡易。

吸頂燈嘅缺點:造型單一,吸附天花板容易出現散熱問題

選購吸頂燈嘅時候要特別注意,燈罩材質要均勻,具有較高嘅透光性,如果唔均勻會影響燈嘅亮度。

射燈

射燈,可以嵌入天花板燈槽中作為嵌燈,或者直接裝設喺外露燈軌上或者天花板上面。通常用作局部加強照明,強調被照射嘅物體,烘托氣氛。

射燈嘅優點:體積細、安全性高,固態光源比較慳電,安裝喺燈軌上可自由變換角度

射燈嘅缺點:照射範圍唔廣大、唔可以近距離照射目標

安裝射燈嘅時候要多加注意,射燈可以直接照牆身,反彈嘅光線出嚟效果會柔和好多,如果選擇裝喺經常會有人停留嘅位置,聚焦得耐會令人感到不適。

壁燈

壁燈,顧名思義,就係喺牆壁上嘅燈,通常會作為屋企嘅輔助光源。壁燈光線較為昏暗,可以為你嘅屋企點綴氣氛,好多人會選擇喺陽台、走廊或者床邊安裝壁燈。

壁燈嘅優點:節能,使用壽命長,因為裝嘅位置比較低,清洗同打理都方便,同時可以為家居營造氣氛

壁燈嘅缺點:需裝設電線出口,唔容易聚光

如果屋企要裝壁燈需要注意一點,房屋係咪有架設壁燈電線線路,或者採用獨立開關式。如果要另外搭線嘅話,會增加額外成本。仲要記住壁燈安裝嘅高度,稍微高過一般成人嘅高度。

介紹完呢幾種常見嘅燈飾類型之後,功師傅都有幾個室內燈光配置小tips。

1. 均勻分佈光線:適當分布燈具位置,令到室內每個點盡可能同一光度

2. 避免過多直接照明:直接照明係將光線直接投射至物體,間接照明係利用墻或地板反射,營造柔和氛圍。見光唔見燈係最好嘅燈光效果,可以避勉燈光直射雙眼而產生眩光。

3. 避免光線照射喺玻璃面同鏡面,調整燈光角度,避免喺玻璃或者鏡面等反光面上產生刺眼眩光。

介紹咗咁多關於燈飾選擇嘅知識之後,大家係咪對點樣選擇適合自己屋企嘅燈飾有多咗了解呢?如果你有關於家居裝修嘅疑問不妨搵我哋精英師傅幫手,包你滿意。

JiaJun
Author: JiaJun

Leave a Comment

你的電郵地址並不會被公開。 必要欄位標記為 *