精英師傅

精英師傅工程 全港信賴! Whatsapp/電話 6628 4865 為你即時報價!

【經驗專欄】舊屋翻新要拆墻,細節切勿忽略

應該唔少人都聽過舊屋翻新,顧名思義,翻新過程難免要拆墻,但係拆墻之前有幾個問題一定要搞清楚,唔可以馬虎了事,今日等功師傅帶大家了解一下。

承重墻可唔可以拆?

舊屋除咗建築材料、管道同電線需要翻新外,如果原本嘅裝修格局唔符合新主人嘅需求,都係會重新裝修過。要破舊立新,重建新格局,舊牆一定會有所變動,但係邊道牆可以拆,邊道唔拆拆得,呢啲問題要特別小心。

留意最重要嘅一點,承重牆同抗震墻係唔可以拆,同時都唔可以鑿窿。但一般業主未必識分辨同結構有關嘅牆面,簡單講,外牆以及同隔離單位嘅共用牆,仲有厚度超過20cm以上嘅多數係承重結構牆,唔可以隨便拆。

功師傅教大家一個簡單易明嘅方法,用手或者用硬物例如金屬棒輕輕敲擊牆身,用耳仔聽聲,如果有清脆回聲嘅一般就非承重牆,而假如敲擊承重牆聽到嘅基本係比較沉悶嘅聲。

又或者通過房屋結構去判斷,一般混合結構嘅樓,所有牆面都係承重牆;框架結構嘅樓內部牆面都唔係承重牆。當然遇到呢種情況梗係要搵專業人士檢查清楚,以免拆牆後危及建築安全。

墻身老化或因此導致門口或窗框變形,應唔應該拆墻重建?

一般非承重牆厚度多數係10cm左右,呢種類型嘅墻雖然危害唔到結構嘅安全性,但如果已經出現表面明顯水泥砂化、裂痕、壁癌、傾斜等等嘅問題,建議係要清拆,同時需要了解老化原因,從而得出對策進行優化改善,以免重蹈覆轍。

另外,同門窗相接嘅墻身如果有變形嘅情況,理論上都係要重建嘅,否則會導致未來新安裝嘅鋁窗同大門冇辦法閉緊,可能導致漏水、噪音問題影響生活質量。

清拆點樣做好安全防護措施?

如果經過考慮決定好邊幅墻應該拆,邊幅墻應該留,開始動工之前功師傅提醒大家,清拆牆面前,一定要確認已經斷水、斷電及斷煤氣等安全工作,以防出現漏電、漏水甚至煤氣洩漏等公共安全問題。

除此之外,如果有要保留嘅地板、牆面、櫥櫃或者係吊燈等,應該事先做好防護措施,必要情況要加防塵罩等,避免清拆過程中以上地方受到損壞。如果係要拆除外牆,要做好防護措施之外,更加要貼出警告標誌,慎防出現傷及周圍建築物或者行人嘅情況,以上安全措施非常重要,記得唔好忽略。

今日介紹就先到呢度,下次功師傅將會同大家講解拆墻嘅流程同相關注意事項,大家記得留意啦。

精英師傅最近大半年嘅時間接咗好多清拆還原嘅工程,有寫字樓,商廈等較細範圍嘅,同時都有多個貨倉比較大型嘅場所,但無論規模大細,精英師傅都會秉承一貫專業以及細緻認真嘅服務精神,為客戶帶嚟物超所值嘅體驗,如果有相關需求不妨WhatsApp我哋,電話6628 4865,歡迎咨詢。

JiaJun
Author: JiaJun

Leave a Comment

你的電郵地址並不會被公開。 必要欄位標記為 *