主頁 > 鋁窗工程>挑選鋁窗
/ 窗框 /
我哋揀鋁窗，首先要知道鋁窗由邊幾部分組成，最基本嘅當然係窗框、玻璃，掩窗就仲有窗鉸呢啲部件咁。先講窗框，窗框就類似於人嘅骨骼，係支撐起成個鋁窗嘅一個重要組成部分，大家選購鋁窗嘅時候一定要留意窗框嘅厚薄啦。
我哋成日講鋁窗嘅厚料同薄料 ，其實唔係講緊玻璃嘅厚度，而係講緊鋁窗框嘅厚度。現時市面鋁窗最常見嘅厚度係38料 ，40料，45料，50料同55料。所謂「料」，其實係指鋁窗架側面嘅厚度，以mm 為單位。一般鋁窗公司都只會提供40料嘅鋁窗，其實係會比較薄啲嘅。如果窗戶嘅座向比較大風，例如係向海或者高層，精英師傅就建議使用厚料如45料，50料啦。
另外，窗框仲會影響鋁窗嘅氣密性同隔音性，不過大家要注意一樣嘢，好嘅氣密窗唔一定有隔音效果，但係好嘅隔音窗就一定都係好嘅氣密窗 。
從結構上嚟講，製造氣密同隔音效果都係依賴於窗框嘅緊密度，利用專業嘅工業技術，將隔音膠條，或者叫氣密條，緊緊咁結合喺窗框嘅罅位入面，再加上一塊適合嘅玻璃，咁樣成個鋁窗嘅氣密、隔音、以致防水效果都會非常唔錯啦。至於點揀一塊啱用嘅玻璃？精英師傅跟住就會講到啦。
/ 玻璃 /
鋁窗大概有70%以上嘅面積都係由玻璃組成，唔同種類同厚度嘅玻璃，佢嘅密度、音源穿透損失率、熱傳透率同埋透光率都會有差異，所以就會導致鋁窗喺強度、隔音、隔熱同透光嘅表現上有所唔同。除咗最常見嘅普通玻璃，以下係市面上另外幾種會用到嘅鋁窗玻璃。
強化玻璃係將平板玻璃加熱到接近攝氏600度嘅軟化點時，再將玻璃表面急速冷卻；借由外冷（表面向內急速收縮）、內熱（中心向外膨脹）嘅效應，令到壓縮應力均勻分佈喺玻璃表面，引張應力就落喺中心層，繼而形成一個平衡嘅狀態。
強化玻璃嘅特點
強化玻璃嘅強度大約係普通玻璃的4~5倍；如果玻璃受到外力破壞，碎裂嘅玻璃會變成顆粒狀塊降低傷害性。
1
經過熱處理後嘅強化玻璃，硬度較低，表面容易有刮花的情形。
4
借由緩慢自然降溫嘅「熱硬化玻璃」（或稱「熱處理增強玻璃」），強度大約係普通玻璃嘅2倍，碎裂時碎片會呈長條狀。
2
加熱後再急速冷卻，玻璃表面會比較唔平整，亦容易有細微波紋；所以，大面積強化玻璃嘅反射影像，容易有扭曲現象。
5
強化玻璃可以承受急劇嘅溫度變化。
3
由於強化玻璃依然係單層玻璃，適用喺非受風面、非西斜面同非噪音面等一般嘅窗用條件。
6
膠合玻璃係喺兩片或者幾片玻璃嘅夾層中間，放入強韌而且具有熱可塑性嘅PVB樹脂膜（亦有啲膠合玻璃會喺樹脂膜中間，再裝入強度比較高嘅PC塑料板材嚟做中間層，嚟增加玻璃嘅防侵入性），並透過高溫、高壓壓合而製成。
雙層玻璃/複層玻璃係由兩片或者以上嘅玻璃，加上內含乾燥劑嘅鋁隔條所組合而成嘅中空玻璃，為咗確保玻璃中空層嘅乾燥，內側會先充填乾燥空氣或者惰性氣體，四周再用封膠密封。由於哩種結構，令到複層玻璃嘅隔熱效果非常唔錯，喺寒冷氣溫下，亦唔會因為室內外溫差大而令玻璃面起水珠。
/ 窗鉸 /
窗鉸保養技巧
如果你要買嘅係掩窗，咁窗鉸都係好關鍵嘅一部分，窗鉸起嘅係連接窗框、支撐鋁窗嘅作用。有啲舊樓嘅鋁窗窗鉸上面，只有兩粒拉釘（柳釘）嚟固定，使用時間一長，就容易出問題，發生意外。
穩陣嘅窗鉸至少要有三粒拉釘嚟連接同固定，兼且選擇用304不鏽鋼做材料嘅，同時4桿型窗鉸嘅每支桿嘅厚度最少應該有 2.5 毫 米，另外開窗嘅闊度一般唔應該超過 700 毫米，以免令到窗扇承受過大嘅風力或者因為窗扇過重而導致窗鉸變形。
