項目背景
近年智能家居愈來愈普及，電子鎖因為方便、安全、免帶鎖匙等優點，成為唔少業主裝修時必備嘅升級項目。今次客戶張太亦唔例外，原本屋企一直用傳統鎖，但每次拎住大量嘢返屋企，仲要搵鎖匙開門，實在覺得麻煩，所以一直好想換上一套電子門鎖。
精英師傅A1W發現張太單位嘅大門屬於特別規格，門身厚度、天地鎖槽位同金屬結構都唔符合一般直裝電子鎖嘅要求。若硬要安裝，除咗要改門、焊位，仲有可能破壞原有防火門認證，得不償失。張太原本好失望，以為裝電子鎖嘅計劃要取消。精英師傅A1W其後細心評估，發現其實可以改為安裝電子附加鎖，唔需要拆原有機械鎖，又唔會破壞門身結構，照樣可以享受到指紋開門等智能功能。
電子附加鎖成為最佳方案
所謂電子附加鎖，就是毋須更換原本鎖體，而係加裝喺門面、以電子方式操作嘅獨立智能鎖系統。呢款鎖嘅最大優點，就係兼容性高、對門款要求低，無論係鋼門、防火門、老式木門、甚至係已經開過槽嘅特別門款，都大多可以安裝。
最終精英師傅A1W推薦咗一款支持指紋，密碼，拍咭，鎖匙，及手機 App 控制嘅電子附加鎖，兼具日常便利同安全性，而且功能齊全，張太聽完介紹後覺得非常適合，立即決定安裝。
施工過程
工程當日，精英師傅A1W先做基準線標示，確保鎖體位置水平，再用專用工具於門面進行精準鑽孔，配合定位板固定機身。之後再安裝門框鎖扣位，調整鎖舌伸縮距離，整個過程乾淨俐落，不會破壞門身原有結構。
全程由到場到完成測試，用時大約 1個鐘 左右，無需拆門、無需改門框，亦無需更換原有鎖芯。張太原本擔心裝電子鎖會唔會好嘈、會唔會好亂，結果見到精英師傅A1W熟手操作、工具規格齊全，整個過程非常流暢。
安裝好之後，精英師傅A1W逐項測試所有功能，張太現場試用後覺得操作非常簡單，尤其係指紋開門速度快、靈敏度高，真正感受到智能家居帶嚟嘅便利。
總結
不少屋苑嘅舊式防火門或鋼門因為款式問題，未必能直接安裝主體電子鎖，但正如張太呢個案例，並唔代表無法升級智能家居。電子附加鎖安裝靈活、功能齊全、同時保留原有機械鎖嘅安全性，係非常適合門款特殊或不想改動門身嘅屋主。
整個工程快速乾淨， 1個鐘即可完成，即日就能享受指紋開門、密碼管理、拍卡便利、App 操作及實體鎖匙備用，全方位提升居家安全與日常便利。 若你嘅大門因為結構、厚度、鎖槽問題而冇辦法更換電子鎖，電子附加鎖或許就係最實際、性價比最高嘅選擇。
