主頁 > 家居裝修>家具小修補
/ 地板工程 /
Q：點解要幫地板打蠟？蠟水有咩用處？
A：幫地板打蠟主要有三個方面好處，第一可以增強地面光滑同潔淨程度，令家居整體更美觀；第二可以更好保護地面免受磨損，延長使用壽命；第三，方便日常清潔保養。打蠟用嘅蠟水用途範圍廣，適用於雲石同大理石高速拋光，都可以用於傢俬同辦公用具等表面保養。
Q：如果木地板染上污漬點算好？
A：特殊污漬嘅清理方法：油漬、油漆、油墨可以用專用去漬油擦拭：如果係血漬、果汁、紅酒、啤酒等殘漬可以用濕布或用適量地板精油噴落布之後輕輕擦拭;記得唔好用強力酸堿液體清潔木地板。
Q：時間耐咗，木地板出現磨損現象？
A：呢個現象好正常，如果刮痕比較淺，建議用地板清潔劑擦拭處理，令地板多一層保護，輕微劃傷嘅地方唔會輕易變深色。如果刮痕較為明顯，清潔乾淨地板之後，用拋光蠟直接拋光，咁做可以保護地板原有光澤，令地板可以變得更加光滑，避免出現刮痕嘅地方加深。萬一地板刮痕特別嚴重，地板漆膜已經出現破損露出白色，可以用400水砂紙加番枧水打磨再擦乾淨後，進行局部補色同油漆，等表面乾燥就可以用400水砂紙磨光同拋光。但係假如出現大面積刮痕，就要搵我哋專業嘅精英師傅團隊幫您翻新或者更換啦。
Q：地板蠟對人體有害嗎？有乜要注意?
A: 地板蠟有可燃、爆炸危險，但只要能夠正確使用，就可以有效降低風險。每打一次蠟要等地板乾燥一日或者兩日。無論打多幾次蠟，都要避免揮發物寄存在蠟層之間，埋藏隱患。打蠟過程同打蠟之後都必須開窗通風，降低地板蠟揮發出來嘅化學物質濃度，打蠟過程嚴禁吸煙，切勿使用煤氣及其他電氣設備，以保證居家安全。打蠟過程中要做好個人防護措施，戴好口罩同手套。如果唔小心接觸到皮膚，馬上用番枧及大量清水徹底沖洗；如果唔小心入咗眼，要用流動清水沖洗15分鐘以上，如果仲係唔舒服，立馬就醫。
/ 磁磚修補 /
Q:磁磚修補有乜方法？
A：磁磚修補一般分為磁磚劃痕修復同磁磚金屬劃痕處理兩個方面。
1、磁磚劃痕修復，一般可以用磁磚修復劑修復瓷磚劃痕，先用毛筆點修復劑，喺劃痕縫隙處輕輕塗描，30分鐘後等表面乾咗再塗描一次，如果從側面睇到劃痕處有反光現象就唔需要再塗描。
2、磁磚金屬劃痕處理，金屬著力點細，壓力大，如果金屬劃損痕跡滲入磚面內部，就會好難洗得乾淨，用酸性溶液會好容易損傷瓷磚表面，如果係比較深嘅摩擦碰撞金屬而產生嘅劃痕，先用清潔劑浸泡3分鐘後再擦洗，磁磚清潔劑同金屬劃痕反應分解後會變得鬆動，再用清潔劑噴到濕毛巾上面用力擦拭，潔淨如新嘅磚面就會重現，而且對瓷磚表面光澤無任何影響。
/ 牆身裂痕我有計 /
原因1：收水裂縫
新樓起新磚牆之後一般半年內出現「收水」現象，即係呢度時間牆身嘅泥水批盪會隨濕度下降而收縮，牆身出現收水紋。類似情況亦會出現喺重造泥水批盪、或新整電燈坑嘅舊牆。
解決方法：
待收水完成後修補。收水紋一般喺半年內停止增長，業主可以等穩定後先一次過修補。修補方法係先擴闊裂紋，用填縫劑填滿裂縫後，再批灰及髹上乳膠漆。
原因2：熱脹冷縮裂縫
熱脹冷縮紋由唔同物料嘅熱脹冷縮差異引致，牆身、燈槽、木間格、圍身板等其他結構嘅相連位置比較常見，又或者兩幅唔同物料嘅牆身之間，例如石屎牆同磚牆。
解決方法：
加防裂網或者紙帶。熱脹冷縮紋好難完全避免，通常係裝修後第一年最為嚴重，但等經歷一年四季後就會穩定。需要修補嘅時候喺相連位置加上防裂網或者紙帶，可稍微減低熱脹冷縮紋嘅出現機會。
原因3：批盪問題
牆身有唔同一層嘅批盪，油漆工序通常只處理外層嘅油漆底灰。至於裡面嘅泥水批盪，例如紙巾灰、英泥沙等，隨著年月老化，有機會離牆撲起、裂開，令油漆產生裂紋，甚至大片剝落。
解決方法：
剷底重造。如果裝修前期就發現呢個問題，可以叫師傅喺剷底時鏟深D，重造泥水批盪層。但批盪層問題亦有可能受工程刺激，完工後一段時間先出現，呢個時候只能作局部修補，難以根治。至於油漆灰問題，可能涉及施工過程做得不足，例如每一次批灰之間相距時間太短、環境過於潮濕、灰料比例或混合過程出錯等。
原因4：結構裂縫
結構裂縫會穿過批盪層深入至石屎，會較闊同較長，甚至有來自鋼筋的銹跡。石屎裂縫可能涉及樓宇結構，例如沉降、負荷過重、震動等問題。牆身滲水令鋼筋生銹發脹、逼裂石屎，都係常見原因之一。
解決方法：
找專人勘測！對比前面三種，結構裂縫關乎安全問題，必須要搵專業人士進行勘測，搵出成因，再制訂修補方案。如果有相關問題，不妨打俾我哋，精英師傅可以幫到您！
