精英師傅

精英師傅工程 全港信賴! Whatsapp/電話 6628 4865 為你即時報價!

【經驗專欄】自己髹油係咪咁簡單?

屋企四面墻都係白色,對得耐難免會悶,想唔想轉個顏色換個心情?最近好興DIY上油漆,因為可以慳錢,而且難度唔高。不過唔系買兩桶油漆翻屋企就可以搞得掂,除咗要先了解各種油漆嘅特點,仲要做好事先準備工作,以免到時到頭來做咗咁多野都係「得個桔」。

一、先試sample!了解油漆呈現效果

雖然話去揀油漆嘅時候有色卡可以參考,但實際油上墻嘅時候難免會有些微差異,或者會因為日頭同夜晚嘅光線有唔同,導致睇到嘅效果有差別,所以最好嘅方法就係先買一細罐個sample翻屋企做個test。喺屋企嘅角落頭油一角仔,觀察一下由朝到晚所呈現嘅色調效果,如果覺得滿意先再買夠量嘅油漆,費事買咗唔適合自己嘅油漆,油咗成幅墻先後悔又冇得挽救。

二、提前做好計算,精準拿捏使用量

揀選購買油漆顏色嘅時候,同時都要提前確認好要上油嘅大概區域,一級系邊幾幅墻。首先,用捲尺等工具量度牆身嘅高度同闊度,之後計算出總面積,計嘅時候記得扣除門窗、衣櫃、櫥櫃、書櫃等唔洗上油嘅區域。確定好就可以估算需要嘅油漆量。通常一公升嘅油漆大約可以塗刷100-140呎左右嘅面積,一般我哋建議先上底一幅,再上油漆兩幅,用350呎嘅一幅墻計單面牆面積,大約需要3.5公升油漆,實際油幾多油則仲要參考翻油漆嘅質量同濃稠度以及加水量,綜合因素有所差異都可能有較大嘅區別,建議買嘅時候問清楚店員。

三、清空現場,做好防護措施

重要物品記得要搬離現場,為避免油漆整污糟地板或者傢私,記得用報紙或者用塊布覆蓋地板,確保上油過程順利,最好事先將房或者客廳等地方執乾淨搞搞衛生,將雜物都清空,如果唔系到時拖慢進度。

注意以上3個步驟之後,就可以正式開始上油啦。

鏟底

首先如果係翻新全屋嘅話,咁油油之前就當然係先剷底啦。所謂剷底,指嘅係將牆身嘅舊乳膠漆及鬆浮底灰移除。剷底先要用發白水塗上墻面,令原有嘅油漆同底灰更易剷走,剷到見到灰色泥水墻嘅時候就大概完成啦。

司拿

剷完底之後,就要塗上一層俗稱”司拿”嘅防潮底漆。顧名思義,佢嘅作用就係保護牆身同埋起到防潮嘅效果,令到水氣唔會透出牆身。讓油漆發揮最佳的效果。

批灰

跟住就到批灰呢個步驟,批灰嘅主要材料係菜膠、福粉、白膠漿同光油,有時想批完灰快啲乾,仲會用到石膏粉。將以上材料攪拌混合好,用批匙將灰在牆上鋪平,目的係令牆身變得平滑,上油更好睇。

上油

最後當然係上油啦,上乳膠漆需要先加清水稀釋,然後就可以上油漆啦,上油漆步驟一般會做三次,亦會視乎油漆顏色可能需要油多幾次,每次完成上油漆步驟後都會有幼身砂紙嚟打磨,打磨平滑後就會上下一次油漆。目的係更容易覆蓋牆身顏色,令上油後更美觀。

介紹完呢幾個步驟之後,再推薦三款今年流行嘅油漆顏色。

紫色

如果要揀一種顏色嚟代表神秘同高貴,咁一定非紫色莫屬。紫色充滿神秘氣息,可以帶俾人一絲神秘感,喺主臥裝修當中運用得最多。從濃郁的深紫色到浪漫的薰衣草紫,從神秘到浪漫,表達嘅情緒同message都好豐富。

黃色

黃色,同太陽光一樣嘅色系,被譽為最溫暖嘅顏色之一。非常適合作為客廳背景墻嘅裝飾色,都係當下最熱門北歐風格裝修嘅主色調之一。黃色作為暖色調嘅代表,被賦予溫馨、清新、自然嘅標籤。如果你鐘意活力四射嘅裝修風格,鐘意溫暖溫馨的感覺,用黃色作為底色必不可少。

灰色

如果要揀一種顏色代表寧靜素雅嘅話,毫無疑問呢個勝出者係灰色。灰色係裝修行業嘅新寵,無論北歐風、工業風定係現代簡約風都可以發現睇到。灰色嘅清冷格調,好容易帶俾人一種安靜嘅慰藉,令人放鬆身心,去享受生活。其中以冰川灰最經典,清冷、低調的色感,彰顯出一種包容性,你可以搭配任意顏色都唔會有突兀嘅感覺,對於design都有非常大嘅發揮空間。

介紹咗咁多關於油漆嘅知識,大家應該對幫自己屋企上油漆都有一定了解,不過如果你平時太忙,不如將專業事情交翻俾專業人士做,一個電話或者WhatsApp,精英師傅就同你約好時間上門幫你搞掂全屋油漆問題。

JiaJun
Author: JiaJun

Leave a Comment

reps sneakers rep shoes fake jordan fake jordan 1 fake jordan 3 jordan 4 reps fake yeezys fake yeezy 350 fake yeezy slides fake foam runners air force 1 reps air max 97 reps nike dunk reps fake bape off white reps travis scott reps fake yeezys fake yeezy slide fake foam runners fake yeezy 350 fake yeezy 350 v2 fake yeezy 700 yeezy 500 reps fake yeezy 450 fake yeezy 950 fake 750 yeezy fake yeezy 380 fake jordan fake jordan 1 fake jordan 3 jordan 4 reps fake jordan 5 fake jordan 6 fake jordan 11 fake jordan 12 air jordan 13 fake fake off white jordan 1 fake travis scott jordan 1 camiseta lakers camiseta chicago bulls camiseta celtics camiseta warriors camisetas miami heat
Give Gift