精英師傅一向對家居裝修非常有心得，無論公屋裝修定係居屋裝修，都有不計其數嘅成功案例，今年上半年尾聲，我哋精英師傅團隊幫位於西貢嘅匡湖居2000呎獨立屋嘅單位進行局部裝修，同時間都針對局部範圍出現嘅防水工程及冷氣工程等問題，有效地作出修補及翻新。
全屋油漆翻新
精英師傅事前做足功課，超過三十年樓齡嘅單位難免會遇到外墻同墻身問題，而屋主許生嘅單位比較明顯嘅就係墻身出現裂痕，再加上日久失修嘅原因，部分墻身位置已經出現小範圍剝落嘅現象。
有見及此精英師傅團隊提出為單位進行全屋油漆翻新嘅方案，從揀油漆牌子到顏色我哋都提供咗幾個方案俾許生選擇，選中之後我哋就按正常流程做好防護措施，3日嘅時間就還原翻一幅潔淨無瑕嘅白墻。見到嶄新嘅墻身，許生一家大細都表示滿意。
全屋冷氣工程（檢查/維修/清洗）
許生所住獨立屋有3種冷氣，窗口機、分體機同FCU（FAN COIL UNIT）冷氣系統，窗口機同分體機安裝在房間，FCU裝係獨立屋的其他位，例如樓梯燈。需要定期檢查風機同散熱位置，精英師傅亦都先檢查對應位置之後，再清洗室內嘅幾台冷氣機。至於點解要清洗冷氣機，相信大家之前有睇過功師傅嘅專欄都會知道。
室內工程
搞完室內嘅工程之後，落到單位個室內位置，原來室內嘅電燈已經壞咗，第一步我哋就係用電線同其他工具重新接駁翻室內電源。成功裝好電源之後，嘗試重新安裝室內嘅石膏天花板，石膏天花板有防火、防潮、防塵、隔音等優點，師傅用咗復合粘貼吊裝法，將石膏板固定好，確認好位置，吊頂嘅高度線，安裝主龍骨同T型主龍骨等。設備裝好再check多一次之後就可以正式裝石膏板。等石膏板都裝好，最後就係天花板位置更換翻LED簡燈，裝呢種嵌於天花板內部嘅隱置性燈具，所有光線都向下投射，屬於直接配光。可以用不同嘅反射器、鏡片、百葉窗或者電燈膽等獲得唔同嘅光線效果。更加重要嘅係LED筒燈唔佔用多餘空間，仲會因為光線原因令人覺得有一種舒適感，而且柔和同均勻嘅燈光，都可以保持室內嘅同一格調。好多人都認為安裝LED簡燈，會相應減輕空間壓迫感，緩解壓力。
最尾我哋喺天台新裝多個風咀，防滴汗風咀由纖維、膠脂、礦物製成，而且特別用蜂巢中空設計擠壓型材，具備防霉、阻燃、保溫等功能，唔比金屬產品差。經過研發成功個纖維線咀，較大程度上減少倒汗水現象。
今次幫匡湖居嘅家居裝修工程順利完成，有賴客戶信任以及支持，精英師傅每次出師前都會做足資料搜集，為做到百分百滿意度嘅工程，過程前後都會同客戶進行良好溝通，務求令客戶知道每個流程我哋都係用專業嘅判斷，做到快靚正兼冇手尾！如果有任何家居裝修或者舊屋翻新嘅需要，即管搵我哋精英師傅喇！
