行行下街從天而降嘅驚喜，呢種「涼快」體驗應該好多人都試過。冷氣機滴水問題實在太普遍，但其實避免中呢種「頭獎」都唔係冇可能嘅，今日等功師傅帶大家了解一下冷氣機滴水嘅成因同解決方案。
首先，睇下令人煩擾嘅室外冷氣滴水係咩原因，一般情況係去水管出問題。最大幾率出現嘅問題係去水管淤塞，原因在於冷氣機喺製冷過程中產生冷凝水，而呢D污水會滴喺水盤上，經過去水管先可以排走，如果積累太多“污糟嘢”，加埋塵、碎屑等雜物，咁咪會堵塞去水管囉。積水一多，水盤滿瀉就會滴水。
仲有種可能性就係去水管或者水盤老化或者損壞有裂痕，導致滴水。
一般淤塞就話可以用肉眼容易睇得出，但如果真係老化的話就要拆開冷氣機先可以check清楚。窗口式嘅喉管駁在室外，分體式嘅去水管通常裝喺天花同牆身，咁大工程建議就唔好自己搞，可以搵功師傅上門幫你睇（笑）。
但如果係室內冷氣滴水嘅話同樣好麻煩。用桶長期裝水都算，仲要忍受滴水聲，實在擾人清夢。
頭先講嘅去水管淤塞都有機會影響室內冷氣，因為去水位淤塞造成冷氣內部嘅水去得好慢，久而久之就會喺出風口倒流出。
室內冷氣滴水其中一個原因係嘅師傅大頭蝦，裝冷氣嘅時候冇度「平水」，斜度唔係向去水喉一側傾斜，引致水積聚喺另一側，所以就滴水囉。又譬如窗口式冷氣機喺安裝時，向入邊傾斜，去水管堵塞咗後就會向入邊滲水。
仲有種可能性係裝修工程駁去水管嘅時候，水管唔係向下嘅，而個喉向上、有凹位或斜起呈山坡狀，裡面嘅水就會倒流翻機身，引致向內滴水。
知道咗咩原因令冷氣機滴水之後，點先可以解決滴水問題呢？
好多朋友同我講過網上好多地方有教自行處理去水管淤塞，例如係用膠喉伸入機內吹氣「通喉」，仲有就係將去水喉拆開，用鐵線向裡面伸從而挖走喉管或水盤駁口位嘅污物。
以上方法work唔work就真係見仁見智，而且自己落手落腳會存在一定風險。作為有多年從業冷氣工程嘅師傅，我嘅建議係如果水管損壞而引致嘅冷氣機滴水搵翻專業師傅更換。
如果去水管淤塞，一般通去水管嘅方法有兩種。一種係拆除機蓋，用膠喉伸入機內去水位吹氣，「谷」走積聚污物。另一種同樣係用氣壓，利用高壓水槍打通喉管。
精英師傅嘅冷氣工程服務包含通去水管服務，選擇清洗冷氣服務輕鬆處理去水管淤塞問題，仲可以買冷氣加配送安裝一站式服務，如果有咩冷氣問題可以網上提前預約師傅上門為您服務。
