小朋友居住環境對佢哋嘅成長有不可或缺嘅影響，每個小朋友從懂事開始，會開始對自己嘅睡房有千奇百趣嘅奇思妙想，創造屬於自己嘅奇幻世界，到佢哋真係可以擁有一個屬於自己嘅空間，佢哋會慢慢體會到不受束縛地盡情發揮自己嘅想象係幾咁美妙。而令小朋友擁有一個揮灑創意嘅小角落，當然係家長嘅功課。當你要打造兒童房嘅時候，首要考慮到絕對係安全性，之後就係根據小朋友嘅特長，等佢哋可以喺房培養個人喜好同才藝。
安全放第一位
小朋友生性好動，好容易會因此跌親或者跣低，首先考慮安全性，譬如揀地板唔好揀太硬嘅，但如果揀太光滑都唔好，所以大理石可以率先排除。另外，墻壁棱角位等比較尖銳同突出嘅位置一定要做好安全防護，避免小朋友因為唔小心撞到呢D位置而造成傷害。如果你鐘意喺地板上鋪地氈都要注意，雖然相對會比較安全，但係會容易滋生螨蟲細菌，影響健康，最好就係隔一段時間進行清潔。
色調鮮艷
小朋友對聲音同色調鮮艷嘅事物都會充滿好奇，所以佈置兒童房嘅時候可以首先考慮用純正而且鮮艷嘅色系，而墻身嘅風格最好係同房入面嘅傢私風格做到統一和諧。唔同色彩對小朋友嘅心理有唔同嘅調節作用。綠色令人同森林聯想到一齊，望落去會令人心情舒暢平靜，都可以消除疲勞同消極情緒，而藍色都可以消除緊張情緒，調整身心平衡，兒童房比較適宜用綠色同藍色。
設計裝飾
裝修兒童房嘅時候可以多加一D可變動同多功能嘅設計。可以掛適合翻小朋友年紀嘅裝飾品上墻，例如係俏皮得意嘅小動物擺飾，又或者係加入大自然元素，增加樹木或者花卉形狀嘅裝飾品。而可以變動或者移動嘅設計，都可以加強機動性，隨意變換場景，等小朋友嘅感覺永遠都可以保持新鮮。
空間利用
上邊床下邊櫃，咁樣可以慳到好多空間，將床、衣櫃同書櫃三位一體，仲可以自由搭配樓梯櫃組合，收納空間大大增加之餘，亦都可以令小朋友可以上落床都安全好多，如果屋企有兩個小朋友嘅，可以考慮上下雙床嘅形式，留翻多D空間俾兩個小朋友玩同學習。
傢私選擇
近年比較興嘅用榻榻米放喺房入面，除咗可以提升兒童房嘅裝飾效果同儲物空間，令空間多樣化同合理化之餘，都可以令小朋友活動方式變得有趣，而另外揀傢私方面，可以揀輕便同可移動嘅傢私，方便更換。都可以加D黑板，帳篷形狀嘅，等小朋友可以寫字畫畫，亦都可以體會戶外活動嘅樂趣。
介紹完關於兒童房裝修嘅要素，會唔會都有興趣幫自己嘅小朋友打造一個有益身心嘅小天地呢？如果覺得自己佈置同設計太麻煩，可以搵我哋精英師傅幫手設計同裝修，打電話或者WhatsApp 6628 4865，我哋熱誠為您效勞。
