防疫期間，保持室內空氣流通當然對預防疾病非常重要，空氣流通，有益身心健康，但有陣時當遇到太大風嘅日子就有機會令鋁窗突然關閉，衝擊力之大係好有機會對鋁窗做成損毀，仲可能會令窗框亦受到破損，無形中對鋁窗嘅破壞仲有可能會令颱風或者落雨嘅時候漏風或者漏水，咁萬一屋企嘅鋁窗遇到呢種情況點算呢？我哋應該點樣去做好防護措施保養我哋屋企嘅鋁窗呢？等精英師傅今日逐一帶大家睇下。
其實屋企嘅鋁窗如果出現漏風嘅情況，好可能係以下嘅幾種原因。
一、材質差
如果鋁窗材質差，用兩三年就會發生變形，一旦變形，密封性能就差，就會發生漏風，所以喺選購鋁窗時要格外留心材質。
二、安裝問題
鋁窗一定要裝得正，否則鋁窗使用一段時間後可能會出現越來越歪嘅情況，窗框同牆體間嘅空隙就會越來越大，漏風就在所難免。或者系鋁窗下框用咗爆炸螺絲連接鋁窗同牆體，應該將窗框嘅爆炸螺絲頭部用密封膠密封，咁樣窗框內嘅水先唔會順著爆炸螺絲滲到牆入面，而係順著排水口排出去。
三、鋁窗配件質量差
最常見嘅係密封條老化裂開，導致鋁窗密封性能變差，另外玻璃膠太軟，用咗幾年後就發生粉化，導致窗框同牆體間嘅空隙變大，導致漏風。 
咁應該點解決鋁窗漏風？精英師傅總結出以下幾點
一、安裝時要做好準備
鋁窗係安裝時，需要打玻璃膠填充窗框同牆之間嘅空隙，等玻璃膠固化後，再係窗框嘅周邊均勻擦密封膠，既防止雨水滲入室內，亦防止漏風。要留意，鋁窗嘅內部同外部都要上膠，如果只係內部打膠，或內部幾個位打膠，就會出現漏風、漏水情況。
二、鋁窗加層塑膠
鋁窗用耐咗，會容易透風，介面位置空隙太大無法粘合，最好嘅辦法係鋁窗周圍先用海綿粘貼，然後將成個鋁窗用塑膠罩起，塑膠吸熱又密不透風，溫度可以保持得好。
三、舊式鋁窗佈置夾層
對於雙層嘅舊式鋁窗，最好嘅方法就係窗同窗嘅間隔處填上木碎，木碎可以解決潮氣，亦可以阻擋鋁窗底部強烈嘅冷空氣。對於鋁窗嘅窗罅，可用牛皮紙封起身，保證密不透風。
四、鋁窗罅隙處理
窗框同牆體間如果有空隙，首先將罅隙清理乾淨後，用發泡膠填充，然後再用水泥河沙填滿，最後再做修補，窗框漏風可以考慮加上密封條。 
仲有鋁窗都會容易出現漏水嘅現象，究其原因一般係以下呢幾種。
一、鋁窗附近牆體防水層受損
樓齡較長嘅舊樓，窗嘅周邊牆體嘅防水層破損容易出現漏水。另外，舊樓改造換窗時，拆窗唔專業造成外牆防水層破損，如果無及時修補，安裝新窗後，好有可能出現漏水。
二、鋁窗鬆動變形
鋁窗邊框之間鬆動造成漏水係最常見原因。一方面係關門太用力，窗會產生共鳴震動，時間長咗，窗同牆體間嘅空隙越來越大。另一方面係由於鋁窗質量唔好造成，質量較差嘅鋁窗強度唔夠，容易產生變形，就會發生窗框邊砂漿層開裂、脫落，從而引發滲漏。
三、窗槽排水孔排水不暢
一啲窗有可能無打排水口，尤其係推拉窗，雨水全部積係推拉框槽內排唔出，滿咗就會滲漏。或者外窗台貼瓷磚嘅時候無留意排水口塞咗，推拉框槽入面嘅雨水就全部滲到牆裡面而導致漏水。另外，使用時間耐咗，排水口可能被污物阻塞，導致水流唔能夠及時排出。
針對以上呢啲情況，精英師傅都有相應對策。
一、重新密封縫隙
出現窗框同牆體、窗台空隙造成嘅漏水，將空隙重新密封即可。對於外面窗框同牆體窗台間嘅空隙，最好將原先密封物清除，填入耐候型玻璃膠密封，然後用泥沙漿封死做防水。
二、檢查窗框同牆體結合處
經常檢查窗框同牆體結合處，日久如有鬆動極易令框架整體變形，令窗無法關閉，密封。所以連接處嘅螺絲鬆動應立即擰緊。
三、保持窗口排水槽暢通
針對窗框排水槽淤塞造成漏水，保持排水槽暢通即可解決問題。如果排水口位置有問題，需要封閉原排水口，再重新開窿。
四、正確安裝鋁窗
室外窗台應低於室內窗台板20mm為宜，並設置順水坡，雨水排放暢通。鋁窗外框同室內窗台板嘅空隙必須採用耐候高彈性密封膠封閉，確保水密性，防止產生滲漏。窗楣、窗台應做足夠嘅滴水槽同流水坡度。
五、重做鋁窗牆體防水層
鋁窗牆體本身漏水，解決辦法就係撬開外層牆，進行修補，修補完檢查是否穩陣，切記要鋪加防水層。
六、鋁窗需要經常清洗
保養鋁窗，先可以真正防止漏水，延長使用壽命。日常需要經常清洗保持表面，儘量選擇軟質紗布或棉布等，以免劃花鋁窗表面。有污漬同污物時，可用清水、酒精或中性洗滌劑清洗。落雨天過後，應及時抹干淋濕嘅玻璃同窗框，特別注意抹干滑槽積水。滑槽用耐咗，磨擦力增加，可加少許機油或噴潤滑劑。
睇完鋁窗漏風同漏水嘅原因及補救措施之後，大家係時候幫屋企嘅鋁窗做個徹底保養，如果有任何疑問都可以聯絡我哋精英師傅為你提供最專業嘅意見同最用心嘅服務。
