呢幾日大家聽到「浪卡」颱風，個心都會離一離，除咗影響我哋正常出行之外，伴隨颱風到訪仲會衍生好多問題，例如屋企嘅滲水問題，窗台漏水，天台滲水。呢啲問題一旦出現真係搞到頭都大。
屋企漏水嘅黑點主要有窗框、天花、浴室，與其等滲漏問題發生，不如主動了解點樣有效做好防水防漏，從屋頂開始做好防水防漏工作。
防水工程應該係由外到內，如果住村屋（含天台）嘅朋友，最好要從屋頂防水工程做起。如果係內側防水工程嘅話，四面牆比天花更重要，可以想象一下，如果只喺天花牆內側髹防水漆，滲水問題唔單止冇改善，水更會隨著外側流到其餘四面牆身，從冇髹防水漆嘅牆身滲入屋內。
正所謂工欲善其事必先利其器，我哋先睇下要幫家居屋頂做好防水工程需要乜嘢工具，咁油漆嘅話就選用多樂士牌子。
屋頂防水工程工具
✔ 底漆
✔ 面漆
✔ 保護層
✔ 鐵鏟或刮刀
✔ 膠帶
✔ 長毛滾筒刷（油轆）
✔ 滾筒刷伸縮桿
✔ 油漆掃
✔ 抹布掃把等清潔工具
✔ 油漆稀釋劑（按油漆指引決定有冇需要）
屋頂防水施工流程
步驟一：徹底清潔屋頂
1. 仔細檢查屋頂原有嘅舊防水層有否剝落，如果有要用用鐵鏟或刮刀全部清除。
2. 為避免施工時形成氣泡及加強防水漆膜附著力，地面需徹底清潔補縫，盡量保持地面平整。
3. 用膠帶封起屋頂排水位，避免沙石等異物流入排水口及施工時塗抹到排水口。
4. 清洗後連續日曬1-2天，等水份徹底蒸發。
步驟二：髹上底漆（強力防水底膠）
1. 以長毛滾筒薄塗1層強力防水底膠，以覆蓋及封住細微裂紋。
2. 用油掃把底膠塗抹角落等滾筒不易到達位置，以確保底膠可滲透全部縫隙。
3. 工具使用後要即用清水洗淨。
4. 等待大約4個鐘。（每個油漆牌子指引會有差異，請根據底漆罐上指示等待）
精英師傅溫馨提示： 嚴重粉化嘅地下建議髹2層
步驟三：髹上面漆（「倍剋漏」屋頂防水漆）
1. 底漆完全乾透後，用滾筒以垂直方法髹上「倍剋漏」屋頂防水漆。
2. 髹完第一層後等待約6個鐘，再用滾筒以橫向方式髹上第二層面漆。（兩層必須以垂直交錯的方式上，防水效果會更好。）
3. 工具使用後請立即用清水洗淨。
4. 等待約6個鐘。（每個油漆牌子指引會有差異，請根據底漆罐上指示等待）
精英師傅溫馨提示：「倍剋漏」屋頂防水漆要塗得厚，愈厚防水效果先會愈強。
步驟四：髹上保護層（強力防水膠）
1. 面漆完全乾透後，為加強防護，再用滾筒髹上強力防水膠1層。
2. 工具使用後請立即用清水洗淨。
3. 等待約2個鐘。（每個油漆牌子指引會有差異，請根據底漆罐上指示等待）
另外要提點一下嘅係，計清楚天台面積以及你所需要嘅漆油份量，避免翻手再施工。如果你唔知點樣計又想知道防水工程大概需要幾錢？等精英師傅幫你，只需要將你屋企同天台嘅面積話俾我哋只，就可以出不計出大約完成呢個油漆工程嘅總費用喇。趁天氣好轉，未雨綢繆提前做好防水工程，咁就唔洗驚颱風天。
