基本上每個家庭嘅水渠都會經歷過塞渠，咁塞渠點解會形成呢？好多時候就係因為我哋平時唔注意，令到水渠淤積咗好多廚餘、頭髮同其他雜物，當呢啲嘢積聚多咗就會造成塞渠，同時會伴隨住臭味傳出，今日精英師傅就講下塞渠嘅常見表現，同埋有乜家居通渠的方法可以順利解決問題。
塞渠的表現
- 廁所水位降低：馬桶上嘅水位可能比平時低，或者喺沖洗馬桶時，水可能會上升，然後慢慢排走。
- 排水緩慢：你可能會發現水槽，浴缸或淋浴間排水緩慢。水會積聚喺敞開嘅排水溝或地面垃圾上，然後緩慢地而唔係立即排水 。隨著時間的流逝，堵塞將加劇，因為任何進入管道的物品（例如食物殘渣和頭髮）將無法通過阻塞物。
- 難聞的氣味：時間一耐，被堵塞物擋住的物品開始分解，水變得停滯不前，喺所有受影響的下水道，水槽，浴缸同衛生間周圍造成惡臭。
- 排水時有嘈雜聲音：受排水管堵塞影響嘅浴缸，水槽或淋浴間可能會發出刺耳嘅噪音，因為水好難自由排出。
通渠方法
1、 通渠水通渠
塞水渠之後，好多人會貪方便用通渠水通渠，但由於通渠水屬於強酸（鏹水）、強堿，如果唔正確使用通渠水，好容易傷及自己。使用前先了解，通渠水成分通常係強酸（硫酸）或強堿，具有極強腐蝕性，因此被用來疏通管道、堵塞嘅下水道等，在接觸到水之後，會產生高溫。
如果冇按照使用指引，使用正確嘅分量，好容易會造成水管、水渠過熱熔解。特別如果渠道係用金屬製造，就唔適合用通渠水通渠，因為通渠水成分會和金屬產生化學反應，蝕穿喉管。
根據唔同情況，你可以用唔同的清渠精。原因係清渠精性質唔同，部份清滌啫喱會針對油脂分解，部份清滌粉劑則專門解決家居常見嘅浴缸塞渠源頭——毛髮，從而達到唔傷喉而通渠嘅效果，一般浴缸通渠方法係使用通渠水。
而通渠水使用方法其實好簡單，按照分量倒落去就可以。不過需要注意嘅係，唔好心急地期待見到立竿見影嘅效果。倒落去之後需要一定時間等強酸、強堿腐蝕淤塞物，咁樣先可以做到通水渠嘅效果。仲要注意，唔好連續倒入大量通渠水，咁樣會傷喉之餘，仲有機會因腐蝕性強烈而破壞水渠管道。
使用通渠水通渠之前，要做好防護措施，戴好防護眼鏡、口罩、膠手套，以防通渠水和水產生過於猛烈嘅化學反應，發生濺射，傷害皮膚。
2、梳打粉通渠
梳打粉一直都係清潔、製造糕點嘅好幫手，不過你又有冇諗過用梳打粉通渠？梳打粉通渠法比較適用於廚房通渠、洗手盆通渠，對於廁所通渠就冇咁有效喇，特別係對於頭髮所造成嘅淤塞。
梳打粉通渠流程：
1. 往水渠倒入足夠多嘅梳打粉（越多越好）
2. 然後往水渠倒入半杯醋（醋嘅酸性成分醋酸會同梳打粉產生化學反應，產生二氧化碳）
3. 等待 10 至 15 分鐘，等足夠嘅時間進行化學反應
4. 然後用大量嘅水，沖洗水渠，沖走裡面被分解嘅殘餘物
雖然用梳打粉通渠比通渠水通渠慢，但係因為唔係屬於強腐蝕性物質，呢種天然通渠方法，相對比較安全，更重要嘅係梳打粉通渠唔會傷害喉管。
3、哥士的通渠
哥士的係 Caustic Soda 嘅音譯，即氫氧化鈉，一種強鹼性物質。如果係購買通渠用的哥士的，一般係白色粉末狀、片狀或顆粒狀哥士的。
哥士的使用方法
哥士的需要溶解於水嘅時候，先具有腐蝕性，大部分鹼性通渠水其實就係高濃度哥士的（氫氧化鈉）溶液。只要根據指引使用正確嘅分量將哥士的溶解於水，再按照分量倒下塞渠就可以。
需要留意嘅係，哥士的具有強烈嘅吸濕性，開封使用後需要進行密封處理，否則會變潮，一唔小心仲會造成腐蝕性溶液洩露。
哥士的和通渠水的使用方法類近，通渠之前同樣要做好防護措施，戴好防護眼鏡、口罩、膠手套，以防哥士的同水產生過於猛烈嘅化學反應，發生濺射，傷害皮膚。
如果通渠之後仲會傳出臭味可能係因為 U 型隔氣水管有問題。U 型隔氣水管除咗可以隔除外來嘅異味之外，仲可以隔絕細菌病毒由喉管進入屋內。所以要注意 U 型隔氣水管係咪時常有足夠儲水，先可以有效阻隔異味同病菌。
今日介紹完塞渠嘅常見表現同幾種通渠方法之後，希望對大家有所幫助，當然如果大家有相關問題嘅煩惱又無從下手嘅話，記得搵專業嘅通渠師傅幫你手，精英師傅提供家居通渠、水喉漏水維修、高壓通渠、下水道疏通等通渠服務，可以解決日常遇到嘅的渠管堵塞、去水位異味等問題。價錢公道，快速高效，歡迎whatsapp (852) 6628 4865咨詢。
