屋企嘅廚房、浴室水喉漏水係普遍嘅問題，如果唔注意或者唔及時處理就會對我哋造成長期困擾，久而久之就會形成積水、發霉等情況，情況更甚就會滋生細菌同病毒，水喉漏水、水龍頭滴水等問題。那麼，我們怎樣應對這些問題？今日精英師傅就給大家盤點出家居常見嘅漏水問題，以及潛在嘅隱藏漏水危機，仲會教大家幾個簡單方法輕鬆解決水喉漏水的問題。
- 水龍頭滴水/漏水
洗手後就算擰緊水龍頭，出水口仍然有細細水流，又或者喺開關處嘅縫隙漏水？如果出現呢種情況，一般都係內部零件老化磨損，或者係接駁位內嘅膠圈及水喉膠布太舊引致的。
另外，如果平時習慣將龍頭扭盡，用力過度亦有可能損壞內部零件。此外，水質差都有可能導致問題。當食水中混有雜質，會對水龍頭嘅零件造成磨損，久而久之就會出現隙縫，並出現零件鬆脫，導致漏水。
- 馬桶入水掣漏水
入水掣通常係喺馬桶後面接近地下嘅位置，一般情況出現漏水嘅原因主要係因為老化。
因為馬桶使用頻繁，每次沖水後都要重新入水，而且沖水所用嘅咸水，比一般淡水更容易造成零件及水掣嘅老化，所以係十分常見嘅漏水黑點。
- 去水喉漏水
鋅盤、洗手盤底部嘅去水喉，或者樽型隔氣都有好多接駁位，如果安裝嘅時候扭得太過緊，時間一耐就有機會出現裂縫。就算係極細微嘅裂痕，都會因為壓力導致漏水問題出現。
- 洗衣機水喉漏水
洗衣機後方嘅入水喉都係常見出現漏水嘅黑點之一。通常係因為洗衣機運作時造成嘅震動，令入水喉接駁位鬆脫，或者震動嘅衝擊力對水喉造成損耗，令到裡面嘅零件鬆脫，導致漏水問題嘅出現。
以上呢幾種情況出現，都要盡快處理，如果唔係就要付出高昂嘅水費之餘，忍受長期漏水造成嘅困擾。如果條件允許，可以先嘗試自己diy維修水喉漏水。
如果係接駁位漏水嘅話，最簡單同常見嘅維修方法就係用水喉膠布，水喉膠布價錢比較低，一般五金店不到 $10 就有交易。水喉膠布適用於大部分水喉接駁口漏水嘅情況，包括洗衣機水喉、馬桶入水掣等。雖然叫膠布，但係佢冇任何黏性，主要作用係填補縫隙。
使用方法如下：
1. 將水掣關上，等到漏水位置唔再滲水後，將水喉嘅接駁位扭開。如果接駁位有舊嘅水喉膠布，要利用刀片盡量清除。老化嘅水喉膠布容易造成鬆脫，所以要盡量清除乾淨，先會有效解決問題。
2. 用新嘅水喉膠布，喺接駁位置捲大約20到40個圈，捲嘅時候要拉緊膠布，避免起摺。
3. 將捲好嘅水喉膠布盡量扭緊，令到佢緊貼水喉。
4. 最後將水喉扭翻原來嘅地方，打開水掣，仔細檢查漏水嘅問題有冇改善。
如果漏水嘅成因係零件老化，最好都係更換翻新零件。以水龍頭漏水為例，一般都係水芯老化造成，要更換水芯唔算好複雜，只需要幾個步驟：
1. 首先，用界刀或者一字批將把手中間嘅藍紅色膠掩撬開，然後用螺絲批扭鬆入面嘅螺絲，就可以鬆開把手同水龍頭。
2. 用士巴拿逆時針扭鬆迫件，就可以取出水芯。
3. 記低水芯型號，或直接將佢攞去五金店，買翻新嘅同型號水芯。
4. 最後放翻新水芯，按次序裝翻以上嘅部件，就順利完成。
如果去水喉、隔氣樽等表面出現裂縫，就可以利用俗稱「鋼膠」嘅的塑鋼土進行修補。鋼膠用途廣泛，有修補、黏合、堵漏、防水嘅功能，非常適合用嚟修補水管。佢用嘅使用方法都好簡單。
1. 將水掣先關咗，等到漏水位置唔再滲水後，將裂縫位置抹干。
2. 用界刀切出適量鋼膠，輕輕搓令佢增加黏性，然後直接貼上裂縫位置，再用力按壓。
3. 鋼膠會自動硬化，大約需要一個鐘嘅時間，所以要放置最少一個鐘，先將水掣重新打開。
最後，同大家講下可能存在嘅隱藏漏水危機，如果水喉一旦出現漏水，就等於一日24小時打開水喉，當中產生嘅水費真係會嚇你一跳。所以當大家發現屋企最近水費異常地高，可能係有隱藏嘅水喉漏水問題。
精英師傅教大家一個辦法，想自己檢查下屋企冇隱性漏水問題，可以將所有水龍頭都關曬，用筆寫低水錶讀數，等大約30分鐘後再睇一次水錶，如果數字變化都唔細，就好可能出現漏水。呢啲隱藏性嘅漏水處一般都深入牆壁或者其他隱蔽個地方，業主自行處理比較困難，建議搵合資格並且持牌嘅師傅上門檢查及維修。
精英師傅團隊處理相關漏水滴水問題方面，有豐富嘅經驗，而且師傅都係由專業牌照，如果你對屋企出現以上類似問題而煩惱，不如直接聯繫我哋，電話/whatsapp 6628 4865, 樂意為你效勞！
