2020年轉眼接近尾聲，回顧呢一年，可能大家都有好多感悟，但沉澱之後目光總要向前，展望來年，提前為未來做好計劃先可以keep moving on。2021年到來之前，精英師傅特別推出新一年嘅裝修攻略，做好資料搜集同整理，為2021年有裝修計劃嘅每位業主提供一個裝修懶人包，可以令大家喺裝修嘅時候少走彎路同避免中伏。
先從裝修物料講起，就講下木門先啦。好多工程公司或设计公司都講明唔同D唔開洞嘅木行合作。好容易出現木行和裝修公司互相推卸責任嘅情況，唔想開洞。點解呢？師傅嘅心態係：萬一木門質量有問題，開洞時整爆木門，就要孭飛；木行嘅心態係：你未揀定門鎖五金，到時先開咪彈性D。咁應該點算呢？其實好簡單，早早揀好五金門鎖先去木行揀門。木行唔會唔想幫你開嘅，如果唔係，間木行就好唔OK，應該skip啦。
門分實木門、實心門、空心門。有戶主話：裝修公司話實木門好貴冇人用，所以俾咗空心門我，呢個係狡猾嘅。因為好少人加幾千蚊用實木門，但絕大多數人都用實心門，唔存在唔用實木就要空心嘅講法。
除左以上幾種門，其實仲有防火門。防火門唔等同於任何一種門。點樣區分呢？就係睇證書。防火門因為冇咁大路，所以優先搵大品牌，款式多D質素又好D，有D平價防火門，浸下藥水就算，門嘅質量同埋防火性能都冇咁高。
好多人因為空間不足而選擇造趟門。其實市面趟門質量非常參差，要注意嘅地方好多。有D門用用下會墮、有D會移位。除非自己識DIY維修，否則要搵D好嘅木行或者呢方面經驗豐富嘅工程公司搞先唔易多手尾。
近年多咗人會選擇喺屋企用玻璃門，因為佢滿足到好多唔同需要。例如工業風（黑邊玻璃門），又或者對採光或空間感需求大嘅戶主。如果擔心私密性，可以用霧化玻璃，即係按一個掣就會變磨砂嗰種。另外仲有好好用嘅「長虹玻璃」，採光和私密性都兼顧到，有私人空間但又唔會感覺壓迫。
既然講開門，就講埋廁所入面道門，即係浴屏，買浴屏嘅時候記得先測試多幾次，開下再關下，如果浴屏本身冇緩衝結構嘅話，安裝嘅時候自己要加裝上去，起碼開關嘅時候唔會出現砰砰聲，製造噪音。
跟住我哋講另外一種裝修物料，就係廚房嘅檯面石。
廚房用人造石（又叫仿石）造石盤，固之然係靚，但要預左佢會食色。無論係邊種牌子平嘅或者貴嘅都一樣，係人造石就會食色，用白色就更覺眼。如果想有人造石觀感又唔食色既白色石材，推薦用Blanco嘅花崗岩盤。海外網購正版行貨比香港平一半有多。
石英石唔食色，材料係靚，好多人唔用佢係因為坊間存在一個誤區，以為石英石一定有好多粒粒起入面，嫌佢同單位唔襯。其實石英石檯面都可以好似塊鏡一樣令立立嘅，所以呢個講法係有漏洞嘅，當然佢唔似人造石可以做到完美嘅圓角，所以角位係會有少少瑕疵，呢個要留意番。
唔少裝修戶主會考慮廚房用雲石，但幾乎無人會用。因為價錢貴之餘，保養又麻煩。佢唯一啱D吧枱式嘅 interior design，因為真係裝飾性大於實用性。如果真係鐘意雲石紋，不如考慮雲石紋既岩板，當然要師傅識用先得。
今日先介紹住呢兩種裝修物料嘅相關攻略先，下一次我哋會分享更加多實用嘅裝修tips，記得留意喇，如果大家有任何關於裝修嘅問題都可以通過WhatsApp聯絡我哋，6628 4865，歡迎詳詢！
