精英師傅

精英師傅工程 全港信賴! Whatsapp/電話 6628 4865 為你即時報價!

【功師傅教路】投资装修需谨慎,贪心更加易中伏

香港地今時今日置業買樓真係唔容易,之前同好多後生仔傾起『上車』問題,大部分人都覺得如果未有能力買得起樓,而自己又想搬出去住,都會選擇租屋,但其實租金都開始居高不下,退而求其次只能揀劏房租,邊度有平靚正嘅劏房租?呢個當然唔係功師傅今日要講嘅,畢竟術業有專攻,今日主要想分享一個關於劏房裝修中伏嘅case,等大家提高警惕。

市面上好多所謂嘅專家及博士會打住教你輕鬆用劏房賺錢嘅旗號,抓住好多人想搵快錢嘅心態,先係收學費開班授課,表面上係教你點樣合理理財投資之餘,鼓吹學生改造劏房然後再租出去進行盈利。一般呢D專家會先對你進行洗腦式嘅教育,等你覺得呢個世界上真係有『咁大只蛤乸随街跳』,用一筆資金長租一個單位又或者直接買一間好細嘅劏房。如果定力唔夠,誤信呢個『專家』嘅『投資策略』,好可能你已經中伏。

之後就係成個圈套嘅『戲肉』,呢個博士逐步獲得你嘅信任後,會『善意』提醒你將間劏房一分為N間更細嘅劏房,然後出租俾人再回本,當然佢會話幫你提供埋設計同介紹埋裝修師傅,你會心諗咁慳水慳力又唔洗自己煩,當場就應承。博士專家會帶住佢搵嘅裝修師傅上門度位,當然佢會用一切辦法令你唔會參與其中,冇幾耐就開始動工,當你滿懷期待等驗收新裝修嘅時候,你會發現一切不似預期,甚至會憤怒。

一打開門,可以通行嘅走廊窄到只有兩呎嘅闊度,兩呎係咩概念?但凡大隻D嘅男士都只能側身通過,咁搬大件傢私入去呢?Sorry,正正係通道位嘅地下裝咗水掣嘅開關,咁搬有輪嘅電器譬如雪櫃,又或者搬個衣櫃入去就只能用人力抬起佢。

如果話呢個都唔算大問題,咁行兩步見到嘅廁所真係嚇你一跳,地台上面嘅坐廁,正常人坐低之後雙腳都冇位放,而且仲要係未裝浴屏嘅情況之下,萬一裝咗浴屏,真係坐廁都邊踎廁,不過係人踎上嘅馬桶,真係頭都大埋。

轉個頭見到一間已經裝好門嘅房,個房門嘅下面竟然有條高度可以放得落兩三個飯盒嘅縫隙,莫非呢個裝修都咁與時俱進,按照14天隔離標準專登留翻個送餐通道?睇到呢度事主成頭汗,但更加意想不到嘅陸續有嚟。

開放式廚房嘅鋅盆細到唔好話洗鍋,放隻普通size嘅碟都唔得,點樣洗?跟住抬頭見到個櫥櫃,以為可以放個微波爐或者迷你雪櫃入去,但睇真D個櫥櫃好似搖搖欲墜咁,再用手稍微用力拍下都驚佢跌落嚟。

睇到呢度大家會唔會好奇點解個所謂專家可以為所欲為,最關鍵嘅前提係裝修前連圖紙都冇提供過俾事主,只係聲稱口頭同師傅確認過點樣整,仲話如果要整埋個尾要事主結埋個尾款。正所謂眼見為實,佢有冇同裝修師傅溝通過,甚至有冇揾過合資格嘅師傅都成問題,分分鐘從頭到尾就係呢個『專家』自編自導自演一出大龍鳳,就係咁事主被騙倔裝修費用,仲要自己出錢處理埋爛尾工程。

對於呢個案例,除咗提高警惕慎防受騙之外,搞清楚劏房點樣先可以合法地裝修,因為唔系話任何嘅劏房再分割都可以順利入則。當然啦,揾專業人士當然最好,就好似精英師傅,團隊每一位師傅都有經過嚴格培訓先上崗,行業經驗豐富。

搵精英師傅幫你處理裝修問題,仲洗乜驚中伏?電話或者WhatsApp 6628 4865,樂意為你效勞!

Boey
Author: Boey

Leave a Comment

reps sneakers rep shoes fake jordan fake jordan 1 fake jordan 3 jordan 4 reps fake yeezys fake yeezy 350 fake yeezy slides fake foam runners air force 1 reps air max 97 reps nike dunk reps fake bape off white reps travis scott reps fake yeezys fake yeezy slide fake foam runners fake yeezy 350 fake yeezy 350 v2 fake yeezy 700 yeezy 500 reps fake yeezy 450 fake yeezy 950 fake 750 yeezy fake yeezy 380 fake jordan fake jordan 1 fake jordan 3 jordan 4 reps fake jordan 5 fake jordan 6 fake jordan 11 fake jordan 12 air jordan 13 fake fake off white jordan 1 fake travis scott jordan 1 camiseta lakers camiseta chicago bulls camiseta celtics camiseta warriors camisetas miami heat
Give Gift