精英師傅馬不停蹄，較早前幫位於元朗嘅錦繡花園一個單位完成全屋裝修嘅大項目，業主鄧生搵我哋之前搵咗好幾間裝修公司報價，都唔啱心水，好在我哋精英師傅同鄧生一拍即合，即刻睇下我哋點樣幫單位大變身？
首先，我哋應鄧生要求，揀選一款近年好流行嘅油漆幫佢全屋嘅墻身重新上漆，至於點樣揀適合自己間屋嘅油漆，大家可以睇翻我哋網站「家居裝修」入面嘅「油漆知多少」，各個種類嘅油漆，油漆選擇注意事項同牌子比較都有提及。
左圖為未重新上油漆之前
全屋更換電線
電線用得耐會好容易出現損耗，定期檢查同更換係非常有必要嘅，如果係換之前記得check翻屋企係邊種電源線，好似鄧生屋企用嘅係英國線，咁就要全屋都要換翻同一種線。
新裝燈俱
之前鄧生屋企用嚟照明嘅電燈屬於比較舊款嘅，用耐咗顯得唔夠光猛，即刻幫佢換過曬新式吊燈同Led射燈，馬上有煥然一新嘅感覺，真係睇嘢都清楚D！
安裝63A電箱一套（380V）
家居裝修電箱記得要揀啱匹配電壓嘅，不過有精英師傅當然唔洗擔心！處理複雜嘅電線同接線線路，難唔倒我哋，同時安全問題都會格外注意。
安裝三相電熱水爐一套
因為電熱水爐嘅耗電量高，一般適合家庭用嘅儲水式或速熱式熱水爐，一般都係3000瓦特起，至於即熱式電熱水爐，更加需要大功率(7,000瓦特或以上)，精英師傅提提大家，購買熱水爐前，要先查詢翻所住樓宇有冇設有三相供電或「三相四線」嘅電路系統，記得唔好揀錯。今次幫鄧生家居裝修安裝嘅係儲水式熱水爐，就翻一家四口嘅用水量。
車房頂天花及墻泥水修補
車房嘅天花及墻身會長時間經歷日曬雨淋，當然要定期修補。
更換廚房趟窗一幅，雲石檯面一幅
廚房之前果扇窗關起身唔係好順，換咗新嘅之後就唔洗擔心會出現關窗關唔實嘅小問題，另外都幫櫥櫃面換咗雲石板，換好之後廚房會有嶄新嘅感覺，廚房嘅主人鄧太都表示煮餸嘅心情都會靚好多。
更換廁所木門
原先廁所嘅木門門鎖已經壞壞哋，個門鎖擰唔緊，表面有幾條好明顯嘅劃痕，我哋揀咗道顏色唔會特別顯舊嘅門，先拆再更換埋都只係一個鐘頭嘅事。
另外仲有幾個地方都重新換過新嘅，例如家居裝修安裝電錶房一組包泥水，全屋門鎖同水喉，更換樓梯地氈，睡房地板。
完成呢次大修，鄧生一家四口都非常滿意，畢竟居住環境對於今時今日嘅香港人真係好緊要。而精英師傅返程途中亦都見到好多附近嘅單位有搞緊家居裝修，側面都睇得出，無論周遭好壞，對自己嘅安樂窩都會保持重視，花心思去改善自己身處嘅居住環境。
精英師傅今年內已經幫全港十八區超過三十個大大小小嘅單位進行過全屋裝修、家居裝修，雖然2020年對於大家嚟講或多或少都好艱難，但再難都要守護住自己嘅家園，就好似捍衛心目中嘅信仰一樣。如果大家今年內有幫屋企進行翻新嘅打算，可以先同我哋嘅客服WhatsApp 6628 4865聯繫報價，一定會竭力幫你嘅家居裝修出一份新景象，迎接新一年嘅曙光！
