新一年嘅装修攻略大放送嚟到最後一part，今日會將電器方面嘅總結一次過分享俾大家，務求令到大家可以喺電器選擇嘅時候唔會輕易中伏，文章最後仲會有一個彩蛋，記得睇完喇！
首先講下燈膽，好多人鍾意用盒仔燈，貪佢輕便而且夠簡約。其實盒仔燈屬於射燈，適宜做輔助照明，如果做主要照明，除咗光線可能會唔充足之外，對於小朋友同老人家睇嘢都會造成唔舒服。
在燈膽顏色選擇方面，好多人糾結於選擇黃色光定係白色光，甚至好多人以為只有呢兩種顏色，其實每種光都有獨特嘅色溫。鎢絲燈泡因為好浪費電，開得耐亦會令室內溫度升高，慢慢用佢哋嘅人開始減少，但佢嘅黃色光係公認最有燈光feel嘅，市面上都有唔少「仿─鎢絲燈泡」，其實係LED燈，但色溫和鎢絲燈泡類似，呢種燈膽最適合就係用於工業風嘅裝修風格。
風扇燈係好環保嘅配置，冇冷氣咁涼，而且空氣循環更好，慳電一流，循環型天花風扇燈仲可以避免俾風扇直吹嘅感覺。除咗平時見到嘅，主體係風扇，燈比較細盞。亦有燈為主，扇頁唔用就會自動收埋嘅款式。大家唔需要擔心要好高樓底先用得風扇燈，其實而家好多款風扇燈都唔厚身，同一般天花燈相差無幾，並唔需要高樓底先裝到㗎。
既然介紹開風扇，就講下抽氣扇。抽氣扇價錢唔算貴，但千祈唔好因為價錢就用大把嘅，覺得抽力強啲會更加抵用。其實細嘅抽氣扇抽力已經好勁，如果抽氣扇越大部聲音就越大聲。尤其夜晚訓覺嘅時候，聽到抽氣扇聲好容易影響睡眠質量。同樣要安靜嘅仲有抽油煙機，揀嘅時候要偏向安靜同風力勁兼顧嘅，開住佢都仲可以傾計睇電視，就perfect喇。
嚟到最後，我哋會介紹關於油漆嘅知識，我哋之前都介紹過好多，今日講啲大家可能容易忽略嘅點。
1.油漆唔好用油性，呢樣野一定要同師傅講，尤其手掃漆磁漆，唔提前講明，相信有七成師傅都會用油性。
2.而家市面上所有油漆都有水性，仲有好多顏色，光面啞面任你揀，如果師傅覺得油性油漆耐用啲兼實淨啲，其實冇全錯，但觀念未update，呢幾年油漆水性配方改進左好多。
3.點解唔好用油性油漆，因為佢用天拿水開，冇甲醛，但有好多VOC，毒性好高。好多人平時開冷氣關窗生活，咁就會吸入過多VOC。
4.除甲醛同除VOC係兩回事，市面上除甲醛產品未必除到VOC，而有D會冒認除到，所以為免中招，最好唔好主動用啲高VOC嘅產品。
5.有人問，油漆油牆係咪一定係用立邦多樂士呢？首先，乳膠漆呢兩個牌子真係主流，亦都係唔錯嘅選擇，但油漆無論幾靚都只係油漆，一樣會有墙裂既嘅風險，唔想有墙裂既可能，就要考慮價錢貴小小，非乳膠漆嘅塗料選擇。
其實關於裝修嘅攻略呢幾篇文章都只係好小一部分，畢竟資訊發達，科技進步，我哋每個人每日都喺度學習當中，我哋師傅都唔例外，空餘時間都會不斷進修同精進手藝，為嘅當然係可以提供最專業嘅服務俾我哋嘅客戶。新年新景象，大家如果想執靚間屋或者有新嘅裝修plan，隨時歡迎搵我哋精英師傅，祝大家新一年身體健康，心想事成！
