辛辛苦苦儲錢終於上車成功，但收樓唔係終點，因為收樓之前仲有一步好重要嘅步驟，就係驗樓，之前跟住朋友上佢屋企睇佢點樣自己驗樓，發現其實驗樓真係一門好高深嘅學問，萬一漏檢查一兩個步驟，後果可大可小。
朋友入手嘅單位雖然唔大，但麻雀雖小五臟俱全。佢都係第一次親自驗樓，當然有做足準備，事前網上睇好多教人驗樓嘅video，仲準備咗伸縮棍，memo紙同筆，三大驗樓神器。
佢話頭先開門後發現道門嘅把手隔離嘅門框位置有個好明顯花咗嘅痕跡，即刻用筆mark低，貼memo紙。
然後道門背面嘅白色墻上面有幾個類似數字嘅痕跡約隱約現，睇真D原來真係幾個數字，可能係之前裝修工人用嚟標記嘅時候順手留低嘅。好在眼利，即刻貼翻個memo。
經過開放式廚房之後來到個廳，開始檢查墻壁仲有地板，朋友好快就發現墻上面有鞋輕輕踩過嘅痕跡。木地板肉眼好難睇得出有冇問題，朋友除咗鞋用腳踩每一塊地板，感受地板係咪平整，呢個方法真係幾work。
廳嘅窗口位置同樣唔可以忽略，果不其然朋友發現咗邊邊位有凹陷，極有可能係裝修期間被硬物碰撞過。
檢查完廳就行入房睇下，房大致上冇問題，係個房門門框頂部有小小刮過嘅現象。
廁所同浴室係我朋友最重視嘅位置，首先睇下洗手池有冇漏水，開關幾次check清楚。仲有隔氣位都要檢查一下，睇下有冇漏水現象。
而浴室檢查有冇漏水嘅方法就係將浴室關緊之後用花灑往門嚹位置灑水，開門睇下出邊有冇滲水現象，oh！真係有水滲漏喺浴室外，呢個真係要承建商搞搞佢，以防積水成淵。
普通人都可以發現到唔少問題，更何況如果搵專業人士。所以話驗樓呢項工作都係交翻俾合資格人士check清check楚，如果唔係收樓入住之後先發現問題就太遲啦。平時幫襯開嘅精英師傅都有專業驗樓服務提供，一個電話佢哋就會同你約好時間，精英師傅會配埋合資格嘅驗樓師帶齊驗樓必備工具上門，咁就唔洗擔心容易中伏啦！即刻致電/whatsapp 66284865，等精英師傅為你嚴格把關！
